لية فكرت اني اعمل مدونة؟ اكيد طبعا ان اي شيء بيكون لية سبب او باعث علية حتي لو كنا مش حاسين بية بس بيكون احيانا جوانا ساكن بس مستنيين اللي بيطلعوا اي شيء كان وانا فعلا من زمان بفكر من قبل التكنولوجيا والعولمة والكلام دة كلة وانا باحاول اوصل لشيء معين عبر فيةعن نفسي ومش مهم يوصل لحدالمهم يوصل لي انا مني لنفسي علي طريقة منكم واليكم اي صرخة ممكن الواحد يطلع اللي جوة ويطلع الكبت والقيود اللي جواة يطلع الرواسب الكامنة جواة قبل الانفجار وقبل الفوران حاجة الواحد يلاقي نفسة ويلاقي روحة وبالتالي يلاقي حريتة طبعا اللي المصريين بالذات مش لاقيينها واعتقد مش هايلاقوها الا لو حاولوا في الزحمة يلاقوها الحرية ومش بس اللهم احفظنا مش المعني الضيق بس اللي دايما بنفكر فية انت وانا وهي طبع عرفتوة لا الحرية دي عالم وممتد بس لو طبقناها صح علي طريقة تنتهي حريتي عند بداية حرية الاخرين هي دي اللي اقصدها قول عبر اتكلم متخافش طالما انت صح اصرخ عبر شارك العمر لحظة بتمر ومش بيرجع تاني عيش حياتك كما يجب ان تكون اسرح بعقلك مش لازم جسدك كفاية صوتك رسول عقلك كفاية حلمك صديق فكرك انت انسان ومميز بعقلك اللي اتخلقنا علشان نفكر بية وروحك الطلقة الجسد كلما زادت حريتة زاد من قيدةوالمه والروح كلما اطلقت قيدها سمت وارتقت الفلاسفة والعظماء كانوا اسرى الجدران بيفكروا وبروحهم يسموا والمجرمين كانوا باجسادهم مخربين حقيقة لا تقبل جدل وان كان لكل قاعدة شواذها لا انكر وانا طبعا مش مصلح ولا اي شيء بس انا باقول كل اللي في نفسي مش لحد لنفسي بس واللي عايز يشوف او يقرا افكاري هو حر ايوة طبعا واللي مش عايز بقي هو وراحتة وانا مش فار ض لون معين في اللي هاكتبة كل اللي في نفسي هاقولة طالما مش بيدخل في حرية حد وهاقول اللي انا عايزة في اي شيءواي وقت لاقيد ولا حاجز ولامانع انا حر انا حر انا بحب عيشة الحرية.
ليست هناك تعليقات:
إرسال تعليق